***ဘ၀ဟူသည် စိတ်မပျက်နဲ့..***

ဘ၀ဆိုတာ အစကထဲက..

သီအိုရီတွေနဲ့ ပုံသေနည်းတွေ

ထုတ်ခဲ့တာ မရှိဘူးလေ..

အကြင်နာတစ်ပြန်

ဝေဒနာတစ်လှည့်နဲ့..

ချောမွေ့တဲ့ လှေကားထစ်တွေရှိသလို..

အံတုကာ ရုန်းကန်ရမယ့်

ခါးသီးခြင်းတွေ ပြည့် နှက်တဲ့..

အကြင်နာကင်းမဲ့ လမ်းကိုလည်း..

ရှောင်လွှဲလို့ မရဘူးလေး..

ဘ၀စီဆင်းမှုကို

ပရက်တီကယ်တွေ လုပ်ပြီးမှ

ဖြတ်သန်းခွင့်မရခဲ့တာ..

ပြောင်းလဲမှုတွေရဲ့ ကံကြမ္မာကြား

ရေစုန်မျောလိုက်..

ရေဆန်တက်လိုက်နဲ့..

ဘ၀ရဲ့ စုန်ချည် ဆန်ချည်ကြား..

ပန်းတိုင်ရောက်ဖို့

လက်ပစ်ကိုကူး...ဖြတ်သန်းကြရမှာပဲလေ......။

ချစ်သူသို့ တမ်းချင်း (ရှစ်လုံးဖွဲ့)

နွေဆီမှာလင်း၊ နေမင်းသူရိန်
နေ့ခင်းပူလျက်၊ အိပ်မက်ဆိတ်ငြိမ်
ဆည်းဆာကိုခိုး၊ ညဆိုးကြယ်ရှိန်
နေမရ၊ နွေညလရိပ်ထိန်။

လေပြေခုည၊ မုချလာသော်
သည်ချိန်လရိပ်၊ ညအိပ်မပျော်
မောင်စက်ရာခန်း၊ လင်းတန်းကိုမျှော်
ပြတင်းနား၊ မေ့အားလွမ်းလှနော်။

တစ်ကိုယ်တည်းမို့၊ ရင်ဆို့ရာသီ
ဖော်ကွာလှမ်းဝေး၊ ဖြေတွေးခက်ပြီ
ကြင်သူသက်ထား၊ ရင်ကြားဝေစည်
ပျို့မှာတမ်း၊ မောင်လွမ်းရပ်ဝေးမှီ။

တစ်ကြိမ်ဆုံနိုး၊ မျှော်ကိုးကာလေ
သည်ဌာနေသို့၊ ပြန်ဖို့ခက်နေ
မောင်လေကြိုးစား၊ ပျိုအားမှာစေ
နွေကြိုတေး၊ ပိုဆွေးမောင့်သက်သေ။ ။

တောက ကိုရ

လင်းလက်ခွင့်မရှိတော့တဲ့

ကောင်းကင်ထက်ကကြယ်တစ်ပွင့်လို

နက္ခတ်မှားခဲ့  ငါ့နှလုံးသားလည်း

မရုန်းထွက်နိုင်တဲ့ သမုဒယကျော့ကွင်းမှာ

ညွတ်ကွင်း  မိခဲ့ပေါ့။

ချရေးလို့မရတဲ့ဝါကျတွေကို

ရင်ထဲမှာမြိုသိပ်ရင်း

ဆန္ဒအပျက်အခင်းကြားက

လမင်းကိုပြန်ဆုံတွေ့နိုင်ဖို့ဆိုတာ

နိုးတစ်ဝက်အိပ်ပျက်ညမှာ

ယောင်ရမ်းမက်တဲ့ဆောင်းအိပ်မက်လို

ငါ့အတွက်  အငွေ့ပျံမြန်လွန်းတယ်။

လမင်းရေ......

ချစ်ခွင့်မရှိတဲ့ နင့်ရင်ခွင်ကိုတမ်းတလို့

လောင်ကျွမ်းခဲ့ရ နှလုံးသားတစ်စုံနှင့်

သတိရခြင်းကျောက်စာကို

ငါ့နှလုံးသားနံရံမှာထွင်းထုပြီး

သက္ကရာဇ်တွေပြောင်းလဲလာတိုင်း

မပြောင်းလဲတဲ့Valentine'dayမှာ

ငါတစ်ယောက်တည်း

နင့်ကို....လွမ်းနေခဲ့ရ